«Barselona» prezidenti Joan Laportaning maslahatchisi Enrik Masip bosh murabbiy Xans-Diter Flikning faoliyati haqida o‘z fikrlari bilan o‘rtoqlashdi.

Germaniyalik mutaxassis o‘z lavozimini o‘tgan yilning yozida egallagan edi. Uning qo‘l ostidagi ilk mavsumda jamoa Ispaniya ichidagi barcha uchta sovrinni qo‘lga kiritdi, joriy mavsumda esa allaqachon yana bir bor mamlakat Superkubogida zafar quchishga ulgurdi.

«Xansi Flik bilan «Barselona» mukammallikning yangi bosqichiga chiqdi. Muxlislar yana o‘z futbolchilari bilan faxrlanishmoqda, ular Lamin Yamal va boshqa yulduzlar timsolida o‘zlarini ko‘rishmoqda».

Maslahatchi, shuningdek, klubning porloq kelajagi haqida ham to‘xtalib o‘tdi.

«Biz «Barselona»ni ortiqcha xavf ostida qoldirmagan holda, yangi «Kamp Nou» loyihasini ishga tushirdik. Bir yarim yildan keyin bizda dunyodagi eng yaxshi stadion bo‘ladi», — deya Masipning so‘zlarini «Barca Universal» nashri keltirmoqda.

Ma’lumot uchun, 15 mart kuni Kataloniya grandining yangi prezidentini saylash uchun saylovlar bo‘lib o‘tadi.