Milanning «Inter» klubi markaziy himoyachisi Alessandro Bastoni «Barselona»ga o‘tish imkoniyatini ko‘rib chiqishi mumkin.

So‘nggi oylarda Kataloniya grandi italiyalik futbolchiga jiddiy qiziqish bildirayotgani haqida xabarlar ko‘paydi. Jurnalist Adrian Sanchesning ma’lum qilishicha, 26 yoshli futbolchi «Inter» bilan amaldagi shartnomasini uzaytirishdan oldin «ko‘k-anorranglilar»ning niyati qanchalik jiddiy ekanini bilishni istamoqda.

Alessandro Bastonining «Inter» bilan amaldagi mehnat shartnomasi 2028 yilning o‘rtalariga qadar mo‘ljallangan. «Neradzurri» rahbariyati esa markaziy himoyachi bilan yangi kelishuv imzolash niyatida.

Eslatib o‘tamiz, seshanba kuni «Inter» Chempionlar ligasi pley-off bosqichida Norvegiyaning «Budyo-Glimt» jamoasiga ikki o‘yin natijasiga ko‘ra 2:5 hisobida imkoniyatni boy berib, musobaqani tark etdi.