Angliyaning «Arsenal» klubi 24 yoshli ekvadorlik himoyachi Pyero Inkapyeni sotib olish imkoniyatidan foydalanishni rejalashtirmoqda. Bu haqda «TEAMtalk» nashri xabar bermoqda.
Futbolchi Leverkuzenning «Bayer» klubiga tegishli. Manbalarga ko‘ra, uni sotib olish summasi 45 million funtni tashkil etadi. Qayd etilishicha, Mikel Arteta Gabriel Magalyayns jarohat olgan vaqtlarda uning o‘rnini munosib to‘ldirgan himoyachining o‘yinidan mamnun. Inkapye o‘tgan yilning sentyabr oyida ijara asosida Londonning «Arsenal» klubiga o‘tgan edi.
Joriy mavsumda himoyachi klub safida 24 ta o‘yinda maydonga tushdi. Inkapye APLda 1 ta gol urdi va 1 ta golli uzatmani amalga oshirdi.













