"Budyo-Glimt" bosh murabbiyi Knutsen Chempionlar Ligasi pley-off javob o‘yinida "Inter" ustidan qozonilgan g‘alaba (2:1) haqida fikr bildirdi va jamoaning musobaqa 1/8 finaliga chiqishini baholadi.

"O‘yinni sarhisob qiladigan bo‘lsak, o‘ylaymanki, birinchi bo‘limda biroz qo‘rqib, xavotirga tushganimizni tushunish mumkin. Himoyada yomon emasdik, lekin to‘p bilan hech narsa qilishga jur’at etolmasdik, uni doimo yo‘qotib qo‘yardik.

Ikkinchi bo‘limda o‘yinni ancha yaxshi nazorat qildik. O‘yinning borishini unchalik tasavvur qilmagandik, ammo hisobni 2:0 ko‘rinishiga keltirib kiritgan golimiz fantastik edi. Va bu biz uchun odatiy hol - biz haqiqatan ham zarur bo‘lganda qandaydir yo‘l bilan hamma narsani bir joyga to‘play olamiz.

Hozir biz turgan joygacha bo‘lgan yo‘l oson bo‘lmagan va bu yo‘lda ko‘plab odamlar ishtirok etgan. Jamoa, murabbiylar shtabi, tibbiyot bo‘limi va bu kichik muvaffaqiyatlarga erishish uchun har kuni sahna ortida ishlaydiganlar. Buning ortida aql bovar qilmaydigan darajada ko‘p odam turibdi", - dedi Knutsen.