«Trabzonspor»da ijarada yurgan 29 yoshli Andre Onana may oyida «Manchester Yunayted»ga qaytib, yana birinchi raqamli darvozabon bo‘lish niyatida.
Kamerunlik posbon mavsum oldi tayyorgarlik jarayonida o‘zini ko‘rsatish uchun adolatli imkoniyat berilishini kutmoqda.
Onana 2023 yilda «Inter»dan 44,1 million funt evaziga sotib olingan edi, biroq xatolari tufayli Ruben Amorim davrida tarkibdan tushib qoldi. Uning yo‘qligida 18 million funtga olingan 23 yoshli Senne Lammens o‘zini ko‘rsata oldi va Maykl Kerrikning maqtovlariga sazovor bo‘ldi.
Onana kelasi mavsumda Lammensni asosiy tarkibdan surib chiqarish uchun jiddiy kurashga tayyorlanmoqda.













