«Трабзонспор»да ижарада юрган 29 ёшли Андре Онана май ойида «Манчестер Юнайтед»га қайтиб, яна биринчи рақамли дарвозабон бўлиш ниятида.
Камерунлик посбон мавсум олди тайёргарлик жараёнида ўзини кўрсатиш учун адолатли имконият берилишини кутмоқда.
Онана 2023 йилда «Интер»дан 44,1 миллион фунт эвазига сотиб олинган эди, бироқ хатолари туфайли Рубен Аморим даврида таркибдан тушиб қолди. Унинг йўқлигида 18 миллион фунтга олинган 23 ёшли Сенне Ламменс ўзини кўрсата олди ва Майкл Кэррикнинг мақтовларига сазовор бўлди.
Онана келаси мавсумда Ламменсни асосий таркибдан суриб чиқариш учун жиддий курашга тайёрланмоқда.
