"Bavariya" darvozaboni Manuel Noyer hali kelajagi borasida bir qarorga kelgani yo‘q.
Kicker xabariga ko‘ra, myunxenliklar rahbariyati darvozabon bilan shartnomani yana bir mavsumga uzaytirmoqchi. Biroq, futbolchi o‘z qarorini faqatgina jismoniy holatiga asoslanib qabul qiladi. 39 yoshli Noyer "Vankuver"ga o‘tgan Tomas Myuller kabi xorijda faoliyatini davom ettirishi istisno ekanini o‘zi uchun hal qildi. Darvozabon bu mavsum oxirida ham, kelajakda ham faoliyatini "Bavariya"da yakunlamoqchi.
Manuel Noyer 2011 yilda "Shalke"dan 30 million yevro evaziga "Bavariya"ga o‘tgan edi. Uning shartnomasi 2026 yilning 30 iyuniga qadar imzolangan. Joriy mavsumda darvozabon Myunxen klubi safida 28 ta o‘yinda maydonga tushib, 27 ta gol o‘tkazib yubordi va to‘qqizta o‘yinda o‘z darvozasi daxlsizligini saqlab qoldi.













