"Barselona" yarim himoyachisi Dani Olmo jamoaning joriy Chempionlar ligasidagi muvaffaqiyat imkoniyatlari haqidagi savolga javob berdi. 1/8 finalda kataloniyaliklar "Nyukasl" yoki "PSJ" jamoalaridan biriga qarshi o‘ynashlari kerak bo‘ladi. O‘tgan mavsumda "ko‘k-anorranglilar" yarim finalga qadar yetib borib, u yerda Milanning "Inter" klubiga imkoniyatni boy berishgan edi.
"Odamlar bizning o‘yin uslubimiz bilan Chempionlar ligasida g‘olib chiqish imkonsiz ekanligini aytsalar, buni eshitish mahzundir. Lekin biz bunga erishish uchun nimani yaxshilashimiz kerakligini bilamiz", – deya Olmoning so‘zlarini keltiradi Barca Universal.
1/8 final bosqichiga qur’a tashlash marosimi juma kuni, 27 fevral kuni bo‘lib o‘tadi. Ushbu bosqichning dastlabki o‘yinlari 10-11 mart kunlariga rejalashtirilgan, javob o‘yinlari esa 17-18 mart kunlari bo‘lib o‘tadi.
