"Барселона" ярим ҳимоячиси Дани Ольмо жамоанинг жорий Чемпионлар лигасидаги муваффақият имкониятлари ҳақидаги саволга жавоб берди. 1/8 финалда каталонияликлар "Ньюкасл" ёки "ПСЖ" жамоаларидан бирига қарши ўйнашлари керак бўлади. Ўтган мавсумда "кўк-анорранглилар" ярим финалга қадар етиб бориб, у ерда Миланнинг "Интер" клубига имкониятни бой беришган эди.
"Одамлар бизнинг ўйин услубимиз билан Чемпионлар лигасида ғолиб чиқиш имконсиз эканлигини айтсалар, буни эшитиш маҳзундир. Лекин биз бунга эришиш учун нимани яхшилашимиз кераклигини биламиз", – дея Ольмонинг сўзларини келтиради Barca Universal.
1/8 финал босқичига қуръа ташлаш маросими жума куни, 27 февраль куни бўлиб ўтади. Ушбу босқичнинг дастлабки ўйинлари 10-11 март кунларига режалаштирилган, жавоб ўйинлари эса 17-18 март кунлари бўлиб ўтади.
