"Milan", "Inter" va boshqa klublarning sobiq yarim himoyachisi Klarens Zeedorf Chempionlar ligasi doirasidagi "Galatasaroy"ga qarshi o‘yinda (3:2) "Yuventus" himoyachisi Lloyd Kellining chetlatilishiga munosabat bildirdi.
O‘yinning 49-daqiqasida Kelli havodagi to‘p uchun kurashda muvozanatini yo‘qotib, yarim himoyachi Barish Yilmazning oyog‘ining orqa qismini butsasining tishlari bilan bosib oldi. Hakam Joau Pedru Pinyeyru ingliz futbolchisiga ikkinchi sariq kartochkani ko‘rsatib, uni maydondan chetlatdi. Biroq VAR hakami Pinyeyruni takroriy lavhani ko‘rishga taklif qildi va shundan so‘ng portugaliyalik hakam Kelliga to‘g‘ridan-to‘g‘ri qizil kartochka ko‘rsatdi.
"Hatto chetlatish ham o‘yin borishiga ta’sir qilmadi, aksincha, bu ularga yanada ko‘proq kuch bag‘ishladi. Bu qaror adolatsiz bo‘lsa-da, "Yuventus" namunali tarzda javob qaytardi.
Ushbu hakamni kelasi mavsum Chempionlar ligasida boshqa ko‘rmasak kerak deb o‘ylayman.
"Yuventus"da hisobni 4:0 qilish imkoniyati bor edi. Futbolda har doim ham g‘alaba qozonish imkonsiz, lekin natija ko‘rsatish va muxlislar olqishiga sazovor bo‘lish kerak", — dedi Zeedorf.
