"Liverpul" bosh murabbiyi Arne Slot klubning yozgi transfer bozoridagi katta xarajatlari haqida gapirdi.

"Biz sarflagan o‘sha 450 million yevrodan men faqat 250 millionidan foydalana oldim. Isak biror marta ham to‘liq sport formasida bo‘lmadi. Leoni mavsum oxirigacha safdan chiqdi. Frimpong faqat besh-oltita o‘yindagina o‘z ta’sirini o‘tkaza oldi. Biz 35 million yevroga deyarli o‘ynamayotgan ikkinchi darvozabonni sotib oldik.

Shu tariqa, biz 450 milliondan hatto 250 millionini ham ishlata olmadik. Shu bilan birga, raqiblarimiz 200, 300, 400 million sarflashdi. Ular tarkibni kuchaytirishdi, biz esa shunchaki boshqa o‘yinchilarning o‘rnini to‘ldirdik", — deya Slotning so‘zlarini Viaplay nashriga tayanib The Touchline keltirmoqda.

Shanba kuni, 28 fevral kuni "Liverpul" APL doirasida o‘z maydonida "Vest Xem"ni qabul qiladi.