"Liverpul" bosh murabbiyi Arne Slot zich himoyalanadigan jamoalarga qarshi o‘yin haqida fikr bildirdi.
"Hozir aytadigan gapim odamlarga g‘alati tuyulishi mumkin. Ammo siz o‘z jarima maydonchasida o‘n kishi bo‘lib chuqur himoyalanadigan blokka qarshi o‘ynayotganingizda, aslida qaysi sxemada harakat qilayotganingizning ahamiyati yo‘q. 4-4-2, 5-4-1 yoki 5-3-2 — buning farqi yo‘q. Faqatgina qarshi hujumlarni o‘tkazib yubormaslikka e’tibor qaratish lozim", — deya Slotning so‘zlarini Viaplay nashriga tayanib The Touchline keltirmoqda.
"Liverpul" ayni damda Angliya chempionati turnir jadvalida oltinchi pog‘onani egallab turibdi. Shanba kuni, 28 fevral kuni mersisaydliklarning raqibi "Vest Xem" bo‘ladi.
