«Benfika» hujumkor yarim himoyachisi Djanluka Prestianni «Real» forvardi Vinisius Juniorni irqiy kamsitganini jamoadoshlari oldida tan oldi.

«Correio da Manhã» nashriga ma’lum bo‘lishicha, Prestianni jamoadoshlari bilan suhbatda Vinisiusga nisbatan «maymun» so‘zini ishlatganini tan olgan. Shu bilan birga, futbolchi o‘zining irqchi emasligini ta’kidlash uchun bir nechta vajlarni keltirib o‘tgan.

UEFA hozircha ushbu vaziyat bo‘yicha tergovni yakunlamagan. Biroq kamsitish fakti dastlabki tarzda aniqlangani sababli, Prestianni vaqtinchalik bitta o‘yinga diskvalifikasiya qilindi.

Eslatib o‘tamiz, «Benfika» Chempionlar ligasining pley-off bosqichida «Real»ga ikki o‘yin natijasiga ko‘ra (uyda 0:1, safarda 1:2) imkoniyatni boy berib, musobaqadan chiqib ketdi.