«Manchester Yunayted» Roberto Martinesni jamoaning yangi bosh murabbiyi etib tayinlash variantini ko‘rib chiqmoqda. Ispaniyalik mutaxassis «qizil iblislar»ning short-listiga kiritilgan, chunki uning yaqin orada Portugaliya terma jamoasi bosh murabbiyi lavozimini tark etishi kutilmoqda. Bu haqda jurnalist Ben Jeykobs X ijtimoiy tarmog‘idagi «The United Stand» sahifasi uchun bergan xabarida ma’lum qildi.
52 yoshli mutaxassis 2023 yilning yanvaridan beri Portugaliya milliy jamoasini boshqarib kelmoqda. Martinesning amaldagi shartnomasi 2026 yilning iyul oyi oxirigacha tuzilgan. Uning qo‘l ostida Portugaliya terma jamoasi 2025 yilda Millatlar Ligasida g‘olib chiqdi.
Hozirgi vaqtda «Manchester Yunayted» bosh murabbiyi Maykl Kerrik hisoblanadi. Uning shartnomasi 2026 yilning yoziga qadar mo‘ljallangan.














