«Манчестер Юнайтед» Роберто Мартинесни жамоанинг янги бош мураббийи этиб тайинлаш вариантини кўриб чиқмоқда. Испаниялик мутахассис «қизил иблислар»нинг шорт-листига киритилган, чунки унинг яқин орада Португалия терма жамоаси бош мураббийи лавозимини тарк этиши кутилмоқда. Бу ҳақда журналист Бен Жейкобс Х ижтимоий тармоғидаги «The United Stand» саҳифаси учун берган хабарида маълум қилди.
52 ёшли мутахассис 2023 йилнинг январидан бери Португалия миллий жамоасини бошқариб келмоқда. Мартинеснинг амалдаги шартномаси 2026 йилнинг июль ойи охиригача тузилган. Унинг қўл остида Португалия терма жамоаси 2025 йилда Миллатлар Лигасида ғолиб чиқди.
Ҳозирги вақтда «Манчестер Юнайтед» бош мураббийи Майкл Кэррик ҳисобланади. Унинг шартномаси 2026 йилнинг ёзига қадар мўлжалланган.














