«Barselona» yarim himoyachisi Gavi jarohatidan so‘ng maydonga qaytishga tayyorgarlik ko‘rmoqda.
21 yoshli futbolchi avgust oyidan beri o‘yinlarda ishtirok etmayapti — u tizzasidan navbatdagi operasiyani boshidan o‘tkazishiga to‘g‘ri keldi. Kutilishicha, mart oyidayoq bosh murabbiy Xans-Diter Flik yana xavbek xizmatlaridan foydalanishi mumkin bo‘ladi.
«Ushbu emblemani yana himoya qilish uchun mashg‘ulot o‘tab, formaga kiryapman!» — deb yozdi ispaniyalik futbolchi ijtimoiy tarmoqlardagi sahifasida mashg‘ulot jarayonidan fotosurat ilova qilgan holda. Shanba kuni «Barselona» La Liganing 26-turi doirasida o‘z maydonida «Vilyarreal»ni qabul qiladi.
Hozirda kataloniyaliklar 61 ochko jamg‘argan holda turnir jadvalida peshqadamlik qilmoqda va Madridning «Real» klubini (60) bitta ochkoga ortda qoldirmoqda.
