"Arsenal" vingeri Bukayo Saka nima uchun klub bilan yangi shartnomani shunchalik oson imzolagani haqida gapirib berdi.
"Mening tomonimdan bu oson tanlov edi. Klub shubhasiz to‘g‘ri yo‘nalishda harakat qilmoqda, bizda ajoyib jamoa bor va biz yana har bir sovrin uchun kurashyapmiz. Men bo‘lishni istagan boshqa joy yo‘q.
Bu sadoqat ko‘p narsalarga tayanadi: mening ushbu klubga bo‘lgan muhabbatimga, ular menga ko‘rsatgan ishonchga, jamoa, xodimlar, klub rahbariyatidagi barcha va muxlislar bilan bo‘lgan aloqamga. "Emireyts" — mening sevimli stadionim va u yerda necha marta o‘ynaganimning ahamiyati yo‘q.
Artetaning ta’siri? U men uchun asosiy rolni o‘ynadi, mening rivojlanishimda hal qiluvchi ahamiyatga ega bo‘ldi. Uning qo‘l ostida men ancha yaxshi o‘yinchiga aylandim. U menga juda katta ishonch bildirdi va men undan doim minnatdor bo‘laman. Odamlar mendan murabbiyimni qanday ko‘rishni istashim haqida so‘rashadi. Bu — aynan u", — dedi Saka.
Ingliz futbolchisi klub bilan 2031 yil iyun oyi oxirigacha amal qiladigan yangi uzoq muddatli shartnoma imzoladi.
