Og‘ir vazn toifasida "Glory"ning ko‘p yillik sobiq chempioni, niderlandiyalik Riko Verxoven 39 yoshli mag‘lubiyatsiz bokschi, og‘ir vaznda sobiq mutlaq jahon chempioni Aleksandr Usikka qarshi boks qoidalari bo‘yicha o‘tkaziladigan jang e’loniga munosabat bildirdi.

Ularning to‘qnashuvi 23 may kuni Misrning Giza shahridagi piramidalar fonida bo‘lib o‘tishi rejalashtirilgan. Jangda og‘ir vazn toifasidagi WBC unvoni tikiladi.

"Men 12 yil davomida kikboksingning og‘ir vaznida mutlaq chempion bo‘ldim va o‘zim xohlagan hamma narsaga erishdim. Ammo cho‘qqida uzoq vaqt qolish mendagi raqobatga bo‘lgan chanqoqni so‘ndirmadi, aksincha, uni yanada kuchaytirdi. Men oson yo‘llarni qidirmadim, shuning uchun boshqa olamdagi eng qiyin chorlovni izlay boshladim. Usik — boks bo‘yicha mutlaq chempion. Aynan shunday chorlovlar meni ruhlantiradi. Absolyut absolyutga qarshi. Eng zo‘ri eng zo‘riga qarshi", — deya Verxovenning so‘zlarini keltiradi The Ring jurnali.