Оғир вазн тоифасида "Glory"нинг кўп йиллик собиқ чемпиони, нидерландиялик Рико Верховен 39 ёшли мағлубиятсиз боксчи, оғир вазнда собиқ мутлақ жаҳон чемпиони Александр Усикка қарши бокс қоидалари бўйича ўтказиладиган жанг эълонига муносабат билдирди.
Уларнинг тўқнашуви 23 май куни Мисрнинг Гиза шаҳридаги пирамидалар фонида бўлиб ўтиши режалаштирилган. Жангда оғир вазн тоифасидаги WBC унвони тикилади.
"Мен 12 йил давомида кикбоксингнинг оғир вазнида мутлақ чемпион бўлдим ва ўзим хоҳлаган ҳамма нарсага эришдим. Аммо чўққида узоқ вақт қолиш мендаги рақобатга бўлган чанқоқни сўндирмади, аксинча, уни янада кучайтирди. Мен осон йўлларни қидирмадим, шунинг учун бошқа оламдаги энг қийин чорловни излай бошладим. Усик — бокс бўйича мутлақ чемпион. Айнан шундай чорловлар мени руҳлантиради. Абсолют абсолютга қарши. Энг зўри энг зўрига қарши", — дея Верховеннинг сўзларини келтиради The Ring журнали.
