"Palmeyras" vingeri Allan joriy mavsum yakunlanganidan keyin "Liverpul"ga o‘tishi mumkin.
Angliya grandining 21 yoshli futbolchiga bo‘lgan qiziqishi haqida insayder Ekrem Konur xabar bermoqda. "Palmeyras" kelayotgan yozda Allanni sotishga tayyor, biroq buning uchun "katta" summa talab qiladi. "Yashillar" rahbariyati transfer borasida shoshilmoqchi emas, chunki ular istiqbolli o‘yinchining narxi yanada oshishi mumkin deb hisoblashadi. Ayni damda "Transfermarkt" portalida Allanning bahosi 10 million yevroni tashkil etmoqda, uning amaldagi shartnomasi esa 2029 yil yakunigacha mo‘ljallangan.
Joriy mavsumda hujumning o‘ng qanotida harakat qiladigan yosh braziliyalik 12 ta uchrashuvda maydonga tushib, 3 ta gol urishga muvaffaq bo‘ldi.
