"Палмейрас" вингери Аллан жорий мавсум якунланганидан кейин "Ливерпуль"га ўтиши мумкин.
Англия грандининг 21 ёшли футболчига бўлган қизиқиши ҳақида инсайдер Экрем Конур хабар бермоқда. "Палмейрас" келаётган ёзда Алланни сотишга тайёр, бироқ бунинг учун "катта" сумма талаб қилади. "Яшиллар" раҳбарияти трансфер борасида шошилмоқчи эмас, чунки улар истиқболли ўйинчининг нархи янада ошиши мумкин деб ҳисоблашади. Айни дамда "Transfermarkt" порталида Алланнинг баҳоси 10 миллион еврони ташкил этмоқда, унинг амалдаги шартномаси эса 2029 йил якунигача мўлжалланган.
Жорий мавсумда ҳужумнинг ўнг қанотида ҳаракат қиладиган ёш бразилиялик 12 та учрашувда майдонга тушиб, 3 та гол уришга муваффақ бўлди.
