«Vilyarreal» markaziy hujumchisi Jorj Mikautadze Ispaniya chempionatining fevral oyidagi eng yaxshi futbolchisi deb topildi.
La Liga rasmiy saytida xabar berilishicha, Gruziya terma jamoasi forvardi muxlislar o‘rtasidagi ovoz berish jarayonida to‘rt nafar raqibini ortda qoldirdi. Ular orasida Federiko Valverde («Real»), Abde Ezzalzuli («Betis»), Toma Lemar («Atletiko») va Luis Milya («Xetafe») bor edi.
Yakuniga yetayotgan oyda 24 yoshli Mikautadze ikkita uchrashuvda ishtirok etib, o‘z hisobiga 2 ta gol va 1 ta golli uzatmani yozdirib qo‘ydi. Umuman olganda, hujumchi joriy mavsumdagi 32 ta o‘yinda «gol+pas» tizimi bo‘yicha 15 ochko jamg‘arishga muvaffaq bo‘ldi.
Ayni damda «Vilyarreal» La Liga turnir jadvalida faxrli uchinchi o‘rinni egallab turibdi.
