Shanba kuni "Barselona" Ispaniya chempionatidagi o‘z vazifasini muvaffaqiyatli bajardi. Xans-Diter Flik shogirdlari o‘z maydonida "Vilyarreal"ni 4:1 hisobida mag‘lub etdi. Endi "ko‘k-anorranglilar" Ispaniya Kubogi yarim finali doirasidagi "Atletiko"ga qarshi o‘z uyida bo‘lib o‘tadigan bahsga tayyorgarlik ko‘rishadi. Kataloniyaliklar Madriddagi birinchi o‘yinda qabul qilingan 0:4 hisobidagi mag‘lubiyatdan so‘ng vaziyatni o‘nglashlari kerak bo‘ladi.

"Bu oson bo‘lmaydi... Lekin biz "Atletiko"ga qarshi kambek qilishga harakat qilamiz", — dedi Flik "sariq suv osti kemasi" ustidan qozonilgan g‘alabadan so‘ng.

"Barselona" va "Atletiko" o‘rtasidagi uchrashuv seshanba kuni, 3 mart sanasida bo‘lib o‘tadi. "Kamp Nou" stadionidagi bahs Toshkent vaqti bilan tungi soat 01:00 da (Moskva vaqti bilan 23:00) boshlanadi.