Milanning "Inter" klubi bosh murabbiyi Kristian Kivu A Seriyadagi chempionlik poygasi haqida o‘z fikrlari bilan o‘rtoqlashdi. Ko‘pchilikning fikricha, "skudetto" uchun kurash amalda o‘z yakuniga yetgan.
Shanba kuni "neradzurrilar" o‘z maydonida "Djenoa"ni mag‘lub etdi (2:0) va "Milan" bilan oradagi farqni 13 ochkoga yetkazdi.
"Biz har bir o‘yinga bir xil tayyorgarlik ko‘ramiz va raqibning maqomiga qaramaymiz — mavsum boshidan beri yondashuvimiz shunday. Chempionat yakunigacha hali 11 tur bor va 33 ochko o‘ynaladi, shuning uchun biz hali "skudetto"ni qo‘lga kiritganimiz yo‘q", — dedi Kivu Sky Sport nashriga bergan intervyusida.
3 mart kuni "Inter" Italiya Kubogi yarim finalining dastlabki uchrashuvi doirasida o‘z maydonida "Komo" jamoasini qabul qiladi.
