Миланнинг "Интер" клуби бош мураббийи Кристиан Киву А Сериядаги чемпионлик пойгаси ҳақида ўз фикрлари билан ўртоқлашди. Кўпчиликнинг фикрича, "скудетто" учун кураш амалда ўз якунига етган.

Шанба куни "нерадзуррилар" ўз майдонида "Дженоа"ни мағлуб этди (2:0) ва "Милан" билан орадаги фарқни 13 очкога етказди.

"Биз ҳар бир ўйинга бир хил тайёргарлик кўрамиз ва рақибнинг мақомига қарамаймиз — мавсум бошидан бери ёндашувимиз шундай. Чемпионат якунигача ҳали 11 тур бор ва 33 очко ўйналади, шунинг учун биз ҳали "скудетто"ни қўлга киритганимиз йўқ", — деди Киву Sky Sport нашрига берган интервьюсида.

3 март куни "Интер" Италия Кубоги ярим финалининг дастлабки учрашуви доирасида ўз майдонида "Комо" жамоасини қабул қилади.