Dortmundning "Borussiya" klubi bosh murabbiyi Niko Kovach Bundesliganing 24-turida "Bavariya"dan qabul qilingan mag‘lubiyat (2:3) haqida o‘z fikrlarini bildirdi.
"Bergamodagi o‘yindan so‘ng ("Borussiya" YECHLda "Atalanta"ga 1:4 hisobida mag‘lub bo‘lgan edi), bugungi ishtirokimiz haqiqatan ham juda yaxshi bo‘ldi. Jamoa xarakter ko‘rsatdi va maqtovlarga to‘liq loyiq.
Ammo ikkinchi tomondan – "Bavariya". Agar birgina birinchi golga e’tibor qaratsangiz: Yozua Kimmix Serjni Gnabrini qanday topgani va u uchinchi futbolchiga uzatmani qanday yetkazgani – bu jahon darajasi. Yakunda aynan mana shu farq bugun yaqqol ko‘zga tashlandi.
Shunga qaramay, men o‘z jamoamni alohida maqtamoqchiman. Buni futbolchilarga ham aytdim, chunki bugun ular bor kuchlari bilan jang qilishdi. "Bavariya" maydonni g‘olib sifatida tark etishi uchun haqiqatan ham qattiq ter to‘kishiga to‘g‘ri keldi.
Biroz omad kulib boqqanda, bunday o‘yinni duranggacha olib borish mumkin edi. Lekin yakunda aynan mahorat o‘yin taqdirini hal qildi", – dedi Kovach.
