"Manchester Siti" bosh murabbiyi Xosep Gvardiola jamoaning keyingi mavsum uchun Chempionlar ligasi yo‘llanmasini muddatidan avval naqd qilgani haqida gapirdi.
"Keyingi mavsum uchun Chempionlar ligasida ishtirok etishni ta’minlab, ishonib bo‘lmas darajadagi muhim qadamni tashlaganimiz juda qadrli, bu — klubning asosiy va bosh maqsadidir. Chunki oxirgi o‘n yil ichida biz doim u yerda bo‘ldik — Premyer-ligada har yili ushbu musobaqada barqaror ishtirok etib kelayotgan yagona jamoamiz. Biz boshqa jamoalardan katta masofaga o‘zib ketdik, bu hali yakun emas, lekin oradagi farq sezilarli — va bu birinchi qadam nihoyatda muhim", — deya murabbiyning so‘zlarini keltiradi klub matbuot xizmati.
"Siti" APLda kuchli to‘rtlikdan joy olishini kafolatlab, o‘zgacha seriyasini davom ettirdi: Angliyaning boshqa hech bir klubi oxirgi o‘n yillik davomida har yili uzluksiz Chempionlar ligasida qatnashmagan.
