"Манчестер Сити" бош мураббийи Хосеп Гвардиола жамоанинг кейинги мавсум учун Чемпионлар лигаси йўлланмасини муддатидан аввал нақд қилгани ҳақида гапирди.
"Кейинги мавсум учун Чемпионлар лигасида иштирок этишни таъминлаб, ишониб бўлмас даражадаги муҳим қадамни ташлаганимиз жуда қадрли, бу — клубнинг асосий ва бош мақсадидир. Чунки охирги ўн йил ичида биз доим у ерда бўлдик — Премьер-лигада ҳар йили ушбу мусобақада барқарор иштирок этиб келаётган ягона жамоамиз. Биз бошқа жамоалардан катта масофага ўзиб кетдик, бу ҳали якун эмас, лекин орадаги фарқ сезиларли — ва бу биринчи қадам ниҳоятда муҳим", — дея мураббийнинг сўзларини келтиради клуб матбуот хизмати.
"Сити" АПЛда кучли тўртликдан жой олишини кафолатлаб, ўзгача сериясини давом эттирди: Англиянинг бошқа ҳеч бир клуби охирги ўн йиллик давомида ҳар йили узлуксиз Чемпионлар лигасида қатнашмаган.
