"PSJ" bosh murabbiyi Luis Enrike Liga 1ning 24-turidan o‘rin olgan "Gavr"ga qarshi o‘yindan so‘ng penaltilar amalga oshirilishidagi past ko‘rsatkichlarga izoh berdi. Joriy mavsumda parijliklar barcha musobaqalarda 10 ta imkoniyatdan faqat 5 tasini golga aylantirishgan, oxirgi uchta urinish esa muvaffaqiyatsiz yakunlangan. "Gavr" bilan bahsda (1:0) hujumchi Dezire Due "nuqta"dan adashdi.
"Biz qiyin vaziyatdamiz. Bunday aniq vaziyatlarni qo‘ldan boy berayotganimiz normal holat emas. Tarkibimizda penalti tepishni biladigan futbolchilar ko‘p. O‘ylaymanki, biz hujumchilar o‘rtasidagi rotasiyani davom ettiramiz. Penaltilar seriyasida g‘alaba qozonganimizdan xursandman. Bizda yaxshi darvozabonlar va kuchli hujumchilar bor. Ammo shu bilan birga, penaltilarni juda yomon amalga oshiryapmiz", — deya Luis Enrikening so‘zlarini keltiradi RMC Sport.
