"ПСЖ" бош мураббийи Луис Энрике Лига 1нинг 24-туридан ўрин олган "Гавр"га қарши ўйиндан сўнг пенальтилар амалга оширилишидаги паст кўрсаткичларга изоҳ берди. Жорий мавсумда парижликлар барча мусобақаларда 10 та имкониятдан фақат 5 тасини голга айлантиришган, охирги учта уриниш эса муваффақиятсиз якунланган. "Гавр" билан баҳсда (1:0) ҳужумчи Дезире Дуэ "нуқта"дан адашди.
"Биз қийин вазиятдамиз. Бундай аниқ вазиятларни қўлдан бой бераётганимиз нормал ҳолат эмас. Таркибимизда пенальти тепишни биладиган футболчилар кўп. Ўйлайманки, биз ҳужумчилар ўртасидаги ротацияни давом эттирамиз. Пенальтилар сериясида ғалаба қозонганимиздан хурсандман. Бизда яхши дарвозабонлар ва кучли ҳужумчилар бор. Аммо шу билан бирга, пенальтиларни жуда ёмон амалга оширяпмиз", — дея Луис Энрикенинг сўзларини келтиради RMC Sport.
