"Tottenxem" bosh murabbiyi Igor Tudor APL 28-turidan o‘rin olgan "Fulxem"ga qarshi o‘yin yakunlarini sarhisob qildi. Poytaxt derbisi uning shogirdlarining 1:2 hisobidagi mag‘lubiyati bilan yakunlandi.
"Vaziyat murakkab. Muammolar ko‘p. Sizga yangi gap ayta olmayman. Har birimiz o‘z ichimizdan kuch topishimiz kerak. Gol urish uchun sifat yetishmayapti. Maydon markazida tezkor harakat qilish uchun mahorat kamlik qilyapti. Himoyada esa chidash va gol o‘tkazib yubormaslik uchun sifat yetishmayapti. Hayratlanarli holat", — deya Tudorning so‘zlaridan iqtibos keltirmoqda "Sky Sports" nashri.
Tarkib haqida gapirar ekan, Tudor hozircha to‘g‘ri balansni topish unga qiyin bo‘layotganini ta’kidladi. Uning fikricha, agar ko‘proq kreativ futbolchilarni tushirsa — himoya pand bermoqda, agar asosiy urg‘uni kurash va himoyaga qaratsa — hujumda muammolar yuzaga kelmoqda. Murabbiy jamoa qanday bo‘lishni xohlayotganini va hozirgi holatda qanday bo‘la olishini tushunib olmoqchi ekanligini ma’lum qildi.
