"Inter Mayami" hujumchisi Lionel Messi navbatdagi bor jarima zarbasidan gol urishga muvaffaq bo‘ldi.

38 yoshli argentinalik yulduz MLS doirasida "Orlando Siti"ga qarshi kechgan bahsda (4:2) dubl qayd etdi. Superyulduzning uchrashuvdagi ikkinchi goli 90-daqiqada to‘g‘ridan-to‘g‘ri jarima zarbasi orqali kiritildi. The Touchline nashrining xabar berishicha, bu Messining faoliyatidagi jarima zarbasidan kiritilgan 70-goli bo‘ldi. Ushbu ko‘rsatkich bo‘yicha undan yuqorida faqat braziliyalik afsonalar — Juninyo (72), Roberto Dinamita (75) va Marselino Karioka (78) bor, xolos.

"Inter Mayami" forvardining faoliyatini davom ettirayotgan futbolchilar orasidagi eng yaqin ta’qibchisi Krishtianu Ronaldu (63) bo‘lib, u umumiy reytingda to‘qqizinchi o‘rinni egallab turibdi.