"Интер Майами" ҳужумчиси Лионель Месси навбатдаги бор жарима зарбасидан гол уришга муваффақ бўлди.

38 ёшли аргентиналик юлдуз МЛС доирасида "Орландо Сити"га қарши кечган баҳсда (4:2) дубль қайд этди. Суперюлдузнинг учрашувдаги иккинчи голи 90-дақиқада тўғридан-тўғри жарима зарбаси орқали киритилди. The Touchline нашрининг хабар беришича, бу Мессининг фаолиятидаги жарима зарбасидан киритилган 70-голи бўлди. Ушбу кўрсаткич бўйича ундан юқорида фақат бразилиялик афсоналар — Жуниньо (72), Роберто Динамита (75) ва Марселино Кариока (78) бор, холос.

"Интер Майами" форвардининг фаолиятини давом эттираётган футболчилар орасидаги энг яқин таъқибчиси Криштиану Роналду (63) бўлиб, у умумий рейтингда тўққизинчи ўринни эгаллаб турибди.