"Manchester Siti" bosh murabbiyi Xosep Gvardiola jamoasining "etarlicha ishonchli bo‘lmagan" g‘alabalari haqidagi savolga kinoya bilan javob qaytardi.
"Shaharliklar" "Arsenal"ni quvishda davom etmoqdalar, biroq oxirgi ikki o‘yinda g‘alaba osonlik bilan qo‘lga kiritilmadi: "Nyukasl" 2:1 hisobida mag‘lub etilgan bo‘lsa, "Lids" bilan bo‘lgan uchrashuv taqdirini bitta gol hal qildi.
"Men futbolchilardan ["Lids"ga qarshi o‘yinda] beshta gol urishni so‘ragandim, lekin ular meni eshitishmadi... Agar sizga bu juda oson bo‘lib tuyulsa, demak adashasiz. Biz yaxshi o‘ynadik va hamma narsani nazorat qildik", — deya Gvardiolaning so‘zlarini City Xtra nashri keltirmoqda.
"Manchester Siti" chorshanba kuni Premyer-liganing 29-turi doirasida o‘z maydonida "Nottingem Forest"ni qabul qiladi.
