"Bavariya" hujumchisi Nikolas Jekson mavsum yakunlanganidan keyin klubni tark etadi. Myunxen grandi senegallik futbolchini "Chelsi"dan sotib olish huquqi bilan ijaraga olgan edi, biroq ushbu band faollashtirilmaydigan bo‘ldi.

Ijara muddatini uzaytirish varianti ham istisno qilingan. Insayder Fabrisio Romanoning ta’kidlashicha, hujumchi kelayotgan yozda 100 foiz ehtimol bilan "Bavariya"da qolmaydi.

Jekson "Chelsi"ga qaytadi, biroq turli manbalarning bir necha bor xabar berishicha, "ko‘klar" rahbariyati ham unga ishonishmayapti. 24 yoshli futbolchining London grandi bilan amaldagi mehnat shartnomasi 2033 yilgacha mo‘ljallangan bo‘lib, uning qiymati "Transfermarkt" portali tomonidan 45 million yevroga baholanmoqda.