«Liverpul» bosh murabbiyi Arne Slot joriy mavsum yakuniga qadar o‘z lavozimini tark etishi ehtimoli past, biroq u oldiga qo‘yilgan vazifalarni bajarishi shart bo‘ladi.
MatchDay Central nashrining ma’lumotlariga ko‘ra, «qizillar» rahbariyati niderlandiyalik mutaxassisga tobora ko‘proq ishonch bildirmoqda va yaqin oylar ichida u bilan xayrlashishni rejalashtirmayapti. Ammo klub mutasaddilari Premyer-liganing joriy mavsumi yakunida jamoadan kuchli to‘rtlikka kirishni talab qilmoqda. Shuningdek, mersisaydliklar xo‘jayinlari Premyer-ligada chempionlik uchun imkoniyatlar deyarli qolmagani sababli, jamoa Chempionlar ligasida g‘oliblik uchun kurashishini xohlamoqda.
Bundan oldinroq «Liverpul» Slotni Xabi Alonsoga almashtirishga tayyorligi haqida mish-mishlar tarqalgan edi. Eslatib o‘tamiz, ispaniyalik mutaxassis yanvar oyida Madridning «Real» klubidan bo‘shatilganidan so‘ng ishsiz qolgan edi.
