«Ливерпуль» бош мураббийи Арне Слот жорий мавсум якунига қадар ўз лавозимини тарк этиши эҳтимоли паст, бироқ у олдига қўйилган вазифаларни бажариши шарт бўлади.

MatchDay Central нашрининг маълумотларига кўра, «қизиллар» раҳбарияти нидерландиялик мутахассисга тобора кўпроқ ишонч билдирмоқда ва яқин ойлар ичида у билан хайрлашишни режалаштирмаяпти. Аммо клуб мутасаддилари Премьер-лиганинг жорий мавсуми якунида жамоадан кучли тўртликка киришни талаб қилмоқда. Шунингдек, мерсисайдликлар хўжайинлари Премьер-лигада чемпионлик учун имкониятлар деярли қолмагани сабабли, жамоа Чемпионлар лигасида ғолиблик учун курашишини хоҳламоқда.

Бундан олдинроқ «Ливерпуль» Слотни Хаби Алонсога алмаштиришга тайёрлиги ҳақида миш-мишлар тарқалган эди. Эслатиб ўтамиз, испаниялик мутахассис январь ойида Мадриднинг «Реал» клубидан бўшатилганидан сўнг ишсиз қолган эди.