Muhammad Saloh joriy mavsum yakunida «Liverpul»ni tark etishi mumkin.

BBC ma’lumotlariga ko‘ra, misrlik hujumchining shu yozda klubdan ketishi «tobora haqiqatga yaqinlashmoqda». 33 yoshli futbolchi o‘tgan yili mersisaydliklar bilan yangi ikki yillik shartnoma imzolagan edi, biroq dekabr oyidayoq «Liverpul» bilan muddatidan oldin xayrlashish ehtimolini inkor etmasligini bildirgandi. O‘shanda Saloh murabbiylar shtabi bilan munosabatlari tarang ekaniga sha’ma qilib, bir necha bor asosiy tarkibdan chetda qoldirilgani orqali klub uni amalda «zarba ostida qoldirganini» aytgan edi.

Qishki transfer oynasi yopilgandan so‘ng Saloh «Liverpul»da qoldi va Afrika Millatlar Kubogidan qaytgach, doimiy ravishda asosiy tarkibda maydonga tushmoqda. Shunga qaramay, manbaning ta’kidlashicha, misrlik futbolchining ketish ehtimoli hamon yuqoriligicha qolmoqda.

Xabar qilinishicha, hujumchi faoliyatini Saudiya Pro-Ligasi klublaridan birida yoki MLSda davom ettirishi mumkin.

2026 yilda Saloh klub miqyosida to‘qqizta o‘yinda maydonga tushdi va ikkita gol urishga muvaffaq bo‘ldi.