Italiya terma jamoasining sobiq hujumchisi Antonio Kassano «Inter» himoyachisi Federiko Dimarkoni tanqid qilgani uchun undan uzr so‘radi.
«Men doim uni, shu Dimarkoni yer bilan bitta qilardim. Dortmunddagi goldan so‘ng (ECHL umumiy bosqichida «Borussiya»ga qarshi 2:0 — tahr.), o‘sha ajoyib o‘yindan keyin men unda barqarorlikni ko‘ra boshladim. U «Inter»da chap qanot himoyasida o‘ynaydigan «o‘nlik»ning (pleymeyker) o‘zginasi.
U meni hayratda qoldirdi, men qo‘limni ko‘taraman (taslim bo‘laman). Endi uning to‘rtta himoyachidan iborat sxemada o‘ynashini kutyapman, uni o‘sha yerda ko‘rishni istayman. Lekin u meni lol qoldirdi, aql bovar qilmas, dahshatli gol urdi. Dimarko haqidagi fikrimni o‘zgartirganimdan xursandman va avvalgi so‘zlarim uchun uzr so‘rayman», — dedi Kassano.
