Италия терма жамоасининг собиқ ҳужумчиси Антонио Кассано «Интер» ҳимоячиси Федерико Димаркони танқид қилгани учун ундан узр сўради.

«Мен доим уни, шу Димаркони ер билан битта қилардим. Дортмунддаги голдан сўнг (ЕЧЛ умумий босқичида «Боруссия»га қарши 2:0 — таҳр.), ўша ажойиб ўйиндан кейин мен унда барқарорликни кўра бошладим. У «Интер»да чап қанот ҳимоясида ўйнайдиган «ўнлик»нинг (плеймейкер) ўзгинаси.

У мени ҳайратда қолдирди, мен қўлимни кўтараман (таслим бўламан). Энди унинг тўртта ҳимоячидан иборат схемада ўйнашини кутяпман, уни ўша ерда кўришни истайман. Лекин у мени лол қолдирди, ақл бовар қилмас, даҳшатли гол урди. Димарко ҳақидаги фикримни ўзгартирганимдан хурсандман ва аввалги сўзларим учун узр сўрайман», — деди Кассано.