"Barselona"ning sobiq prezidenti va ushbu lavozimga qayta o‘z nomzodini qo‘ygan Joan Laporta kataloniyaliklar Ispaniya Kubogi finaliga chiqishiga ishonmoqda.
Bugun "Barselona" turnirning yarim final javob uchrashuvi doirasida "Atletiko"ni qabul qiladi. Dastlabki o‘yinda "ko‘k-anorranglilar" 0:4 hisobida mag‘lub bo‘lishgan edi.
"Men xuddi "Barsa"dagi barcha kabi kambekka ishonaman. Buning iloji bor va "Barsa"ning barcha muxlislari shunga tayyorlanishgan. Bizda buni uddalay oladigan qobiliyatli va motivasiyaga boy jamoa bor.
Bu yosh va erkin jamoa, men ularning kayfiyatini bilaman va bu vaziyatdan chiqib ketishning eng yaxshi yo‘lidir. Biz jamoani qo‘llab-quvvatlash uchun ularning yonida bo‘lamiz", — dedi Laporta.
