"Барселона"нинг собиқ президенти ва ушбу лавозимга қайта ўз номзодини қўйган Жоан Лапорта каталонияликлар Испания Кубоги финалига чиқишига ишонмоқда.
Бугун "Барселона" турнирнинг ярим финал жавоб учрашуви доирасида "Атлетико"ни қабул қилади. Дастлабки ўйинда "кўк-анорранглилар" 0:4 ҳисобида мағлуб бўлишган эди.
"Мен худди "Барса"даги барча каби камбэкка ишонаман. Бунинг иложи бор ва "Барса"нинг барча мухлислари шунга тайёрланишган. Бизда буни уддалай оладиган қобилиятли ва мотивацияга бой жамоа бор.
Бу ёш ва эркин жамоа, мен уларнинг кайфиятини биламан ва бу вазиятдан чиқиб кетишнинг энг яхши йўлидир. Биз жамоани қўллаб-қувватлаш учун уларнинг ёнида бўламиз", — деди Лапорта.













