O‘tmishning mashhur fransuz futbolchisi Jeremi Aliadyer Madridning "Real" klubi markaziy hujumchisi Kilian Mbappening darajasini yuqori baholadi.
"U aql bovar qilmas futbolchi. Uzoq vaqtdan beri men ko‘rganlar ichida eng yaxshisi. Bu yozda bo‘lib o‘tadigan jahon chempionatini kuzatish juda qiziq bo‘ladi. Agar u fransuzlarni yana bir bor g‘alaba sari boshlay olsa, bu juda ajoyib ish bo‘lardi", — dedi Aliadyer.
Joriy mavsumda "qaymoqranglilar" yetakchisi barcha turnirlarda 33 ta o‘yinda maydonga tushib, 38 ta gol urdi va oltita golli uzatmani amalga oshirdi.
La Ligadagi ketma-ket ikkita mag‘lubiyatdan so‘ng "Real" peshqadamlikni "Barselona"ga boy berdi va hozirda turnir jadvalida ikkinchi o‘rinni egallab turibdi.
