Ўтмишнинг машҳур француз футболчиси Жереми Алиадьер Мадриднинг "Реал" клуби марказий ҳужумчиси Килиан Мбаппенинг даражасини юқори баҳолади.
"У ақл бовар қилмас футболчи. Узоқ вақтдан бери мен кўрганлар ичида энг яхшиси. Бу ёзда бўлиб ўтадиган жаҳон чемпионатини кузатиш жуда қизиқ бўлади. Агар у французларни яна бир бор ғалаба сари бошлай олса, бу жуда ажойиб иш бўларди", — деди Алиадьер.
Жорий мавсумда "қаймоқранглилар" етакчиси барча турнирларда 33 та ўйинда майдонга тушиб, 38 та гол урди ва олтита голли узатмани амалга оширди.
Ла Лигадаги кетма-кет иккита мағлубиятдан сўнг "Реал" пешқадамликни "Барселона"га бой берди ва ҳозирда турнир жадвалида иккинчи ўринни эгаллаб турибди.
