Braziliya futbol konfederasiyasi (CBF) Braziliya terma jamoasi va "Real Madrid" klubi vingeri Rodrigo Goesning o‘ng tizzasidagi oldingi xochsimon bog‘lam va tashqi menisk uzilishi haqidagi ma’lumotga izoh berdi.
«Braziliya futbol konfederasiyasi “Real Madrid” va Braziliya milliy terma jamoasi hujumchisi Rodrigo Goesga qo‘llab-quvvatlov bildiradi. U “Xetafe”ga qarshi La Liga doirasidagi uchrashuvda jiddiy jarohat oldi. Rodrigoda o‘ng tizzaning oldingi xochsimon bog‘lami va tashqi meniski uzilgan. CBF futbolchiga tezroq sog‘ayish va maydonga tez orada qaytishini tilaydi», — deyiladi konfederasiyaning X ijtimoiy tarmog‘idagi bayonotida.
Avvalroq Rodrigo 10 oy davomida tiklanishi xabar qilingan edi. Shu tariqa, Braziliya terma jamoasi hujumchisi 2026 yilgi jahon chempionatini o‘tkazib yuboradi.













