Mark Bernalning dubli «Barselona»ga Ispaniya Kubogi yarim finalining javob uchrashuvida Madridning «Atletiko» jamoasi ustidan g‘alaba keltirdi (3:0), biroq bu finalga chiqish uchun kifoya qilmadi.

Kataloniyaliklar to‘rtta to‘p farqini yo‘qqa chiqara olishmadi. Ikki o‘yin natijasiga ko‘ra umumiy hisob — 4:3 «matraschilar» foydasiga hal bo‘ldi.

«Ushbu uchrashuvdagi o‘yinimizdan juda mamnunman. Agar shu ruhda davom etsak, ko‘p narsaga erishamiz. Biz 0:4 hisobidan so‘ng vaziyatni o‘nglay olishimizga ishongandik, lekin, afsuski, bu amalga oshmadi. Final hushtagidan so‘ng butunlay holdan toygan edik, biroq bu emblema shunga loyiq. Ikkita gol urganimdan xursandman. Muxlislarga ajoyib qo‘llab-quvvatlashlari uchun minnatdorchilik bildiraman», — deya «Managing Barca» Bernalning so‘zlarini keltirmoqda.

18 yoshli yarim himoyachi uchun ushbu dubl «Barselona» asosiy tarkibidagi faoliyatida birinchisi bo‘ldi.