"Real" sobiq bosh murabbiyi Zinedin Zidan Madrid klubidagi faoliyati haqida fikr bildirdi.
"Men "Real"ni boshqargan kezlarimda mashg‘ulotlarda hech narsa demasdim. Shunchaki Ronaldu, Benzema, Modrich va Kroosning mashg‘ulotlarini kuzatardim. Aytishga so‘z yo‘q edi – faqat tomosha qilardim. Ularning barchasi juda iste’dodli va professional edi", – deya Zidanning so‘zlarini keltiradi The Touchline nashri.
Zinedin Zidan 2020/2021 yilgi mavsum yakunida "Real" bosh murabbiyligi lavozimini tark etgan edi. Kelayotgan yozda, Jahon chempionatidan so‘ng, Zidan Fransiya milliy terma jamoasini boshqarishi kutilmoqda. Mundial-2026 dan keyin Didye Desham "uch ranglilar" boshqaruvini tark etishi ancha oldin e’lon qilingan edi.
