"Real" vingeri Rodrigo bir necha yil davomida oldingi xochsimon bog‘lamining qisman uzilishi bilan o‘ynab kelgan.
Kecha 25 yoshli braziliyalik futbolchida tizzaning oldingi xochsimon bog‘lami va lateral meniskining uzilishi tashxisi qo‘yildi. Rodrigo 10 oyga safdan chiqdi va JCH-2026 turnirini o‘tkazib yuboradi.
The Athletic nashrining ma’lumotlariga ko‘ra, 2023 yilda Braziliya terma jamoasidagi o‘yinlardan so‘ng Rodrigoda o‘ng tizza oldingi xochsimon bog‘lamining qisman uzilishi aniqlangan edi.
Tekshiruvlardan so‘ng operasiya o‘tkazmaslikka qaror qilingan. Shifokorlar Rodrigoning holatida konservativ davolanish ko‘proq mos keladi deb hisoblashgan. Oldingi xochsimon bog‘lamning qisman uzilishi har doim ham jarrohlik amaliyotini talab qilmaydi, garchi bundan bosh tortish yanada jiddiyroq jarohat olish xavfini keltirib chiqarsa-da.
The Athletic nashrining qayd etishicha, Rodrigoning konservativ davolanish jarayoni to‘g‘ri olib borilgan. Futbolchining vakili Fernando Torres ham shu fikrda: "Uning sog‘lig‘i bilan bog‘liq barcha muammolar doimo eng maqbul yo‘llar bilan hal qilingan".
