«Yuventus» yarim himoyachisi Manuel Lokatelli faoliyatini Ispaniyada davom ettirishi mumkin.

Jurnalist Ekrem Konurning ma’lumotlariga ko‘ra, «Barselona» xavbekni o‘z safiga qo‘shib olishga qiziqish bildirmoqda. Biroq Turin klubi futbolchini qo‘yib yubormoqchi emas va u bilan shartnomani 2030 yilning 30 iyuniga qadar uzaytirish ustida ishlamoqda (hozirgi kelishuv 2028 yilning yozigacha amal qiladi). Lokatelli xizmatlariga, shuningdek, «Manchester Yunayted» va «Galatasaroy» klublari ham qiziqish bildirayotgani aytilmoqda.

Manuel Lokatelli 2023 yilda «Sassuolo»dan «Yuventus»ga 36 million yevro evaziga o‘tgan edi. Joriy mavsumda yarim himoyachi turinliklar safida 36 ta o‘yinda maydonga tushib, o‘z hisobiga uchta gol va bitta golli uzatmani yozdirib qo‘ydi.