«Ювентус» ярим ҳимоячиси Мануэль Локателли фаолиятини Испанияда давом эттириши мумкин.
Журналист Экрем Конурнинг маълумотларига кўра, «Барселона» хавбекни ўз сафига қўшиб олишга қизиқиш билдирмоқда. Бироқ Турин клуби футболчини қўйиб юбормоқчи эмас ва у билан шартномани 2030 йилнинг 30 июнига қадар узайтириш устида ишламоқда (ҳозирги келишув 2028 йилнинг ёзигача амал қилади). Локателли хизматларига, шунингдек, «Манчестер Юнайтед» ва «Галатасарой» клублари ҳам қизиқиш билдираётгани айтилмоқда.
Мануэль Локателли 2023 йилда «Сассуоло»дан «Ювентус»га 36 миллион евро эвазига ўтган эди. Жорий мавсумда ярим ҳимоячи туринликлар сафида 36 та ўйинда майдонга тушиб, ўз ҳисобига учта гол ва битта голли узатмани ёздириб қўйди.
